चाकणच्या ऐतिहासिक किल्ल्यात मोठा शोध, संग्रामदुर्ग किल्ल्यात सापडला अनमोल ऐतिहासिक ठेवा

पुण्यातील चाकणच्या संग्रामदुर्ग किल्ल्यावर ऐतिहासिक ठेव्याचा शोध लागला असून उत्खननात शिव-पार्वती आणि प्रभू श्रीराम यांच्या प्राचीन मूर्ती सापडल्या आहेत.

Pune Sangram Durg Fort News : पुणे जिल्ह्यातील चाकण येथील ऐतिहासिक श्री संग्रामदुर्ग किल्ल्यावर उत्खननादरम्यान महत्त्वपूर्ण ऐतिहासिक ठेवा समोर आला आहे. या उत्खननात भगवान शिव-पार्वती आणि प्रभू श्रीराम यांच्या प्राचीन मूर्ती आढळून आल्या आहेत. या शोधामुळे पुण्यातील चाकणमधील संग्रामदुर्ग किल्ल्याच्या ऐतिहासिक आणि सांस्कृतिक महत्त्वात आणखी भर पडली असून इतिहासप्रेमींमध्ये उत्सुकता निर्माण झाली आहे.

चाकण येथील संग्रामदुर्ग किल्ल्यावरील उत्खननादरम्यान आढळलेल्या या प्राचीन मूर्तींची पुरातत्त्व विभागाचे सहायक संचालक डॉ. विलास वाहणे यांनी प्रत्यक्ष भेट देऊन पाहणी केली. यावेळी त्यांनी उत्खननस्थळाची तसेच सापडलेल्या मूर्तींची पाहणी केली. या शोधामुळे किल्ल्याच्या इतिहासातील काही महत्त्वाचे पैलू उजेडात येण्याची शक्यता व्यक्त केली जात आहे.